Scots GrMotion Verbs
A motion verb is a verb describin a objeck flittin fae ae place tae anither. The maist general, abstrack motion verb in Scots is gae. This aften means motion awa fae the spaeker, gin the motion is taewards the spaeker the general motion verb will be come. Still general but no sae abstrack is gang, that haes some connotation o continuous movement, the likes o walkin.
The'r mony anither motion verb describes the motion mair specific. In Germanic languages, sic verbs uizually describes the mainer o motion. In romance langages sic verbs uizually describes the peth taen bi the thing that's movin. In a lot o Native American langages, sic verbs describes the shape o the thing that's movin. Scots is a Germanic langage an sae uizually describes the mainer o movement, but the'r a lot o len-wirds fae Romance langages in Scots an aa, sae the'r motion verbs fae thae langages that describes the peth o the motion. Sae Scots motion verbs is sindered intae twa groups, like in the twa tables ablo.
Tak tent that the Romance vocabular in Scots isna uized ower muckle: descend micht juist be sayed as gae doun, enter as gae inby, escape as win awa an siclike.
| Motion Verb | Mainer | Examples |
|---|---|---|
| lowp | springin up fae the grund | |
| ca | sendin anither body afore ye | Ca yer gir. Ca the yowes. |
| chase | ahint anither body | |
| crowl | ||
| flit | fae ae hoose tae bide in anither | |
| breenge | ||
| dive | ||
| dreep | fae aff o a place, bi gravity | |
| skyte | move fast for want o friction | He slippit a fit an skytit awa doun the brae. |
| faa | dounward wi gravity | |
| flee | bi flappin wings or ither means | Flee awa Jack, flee awa Jill. |
| hirple | wi a bad leg | |
| leave | awa fae a place | |
| rin | fast | Doaggie ran tae Aiberdour. |
| soom | uizin airms an legs (or tail, fins) in watter | This'll lairn ye tae soom! |
| paidle | in shallae watter, or in like mainer on dry land | We twa hae paidlt in the burn. |
| scrieve | fast, ramstam | He scrievit awa up the stair. |
| dauner | walk wi nae spaecial ettle | He sends them tae dauner on gateless grund. |
| toddle | wi short steps | Roond as a neep ye come toddlin hame. |
| ride | on a horse | This is the wey the cadgers rides. |
| sail | in a boat | Whaur England's michty ships sails prood abune his heid |
| birl | circular motion | |
| convoy | accompanyin anither body | Gin ye'll convoy me doun tae ma chaumer. |
| traivel | on fit, or bi transport |
| Motion Verb | Peth | Examples |
|---|---|---|
| approach | taewards anither body | |
| advance | forrit | |
| retreat | backroads | |
| descend | dounwards | |
| ascend | upwards | |
| enter | intil a hoose or siclike | |
| escape | awa fae a place o captivity |