Scots GrOnsets
A onset is a consonant clister that can start a syllable.
Thirablo's the onsets o Scots, expressed phonemical.
/ð/, /θ/, /h/, /v/, /ʍ/, /j/, /ʤ/, /ʧ/, /z/, /s/, /ʃ/,
/b(rl)/, /d(rw)/, /f(rl)/, /g(rl)/,
/(s)p(rl)/, /(s)k(rlw)/, /(s)t(r)/,
/(s)l/, /(s)m/, /(sw)/,
/t(w)/, /(sk)n/, /(wʃθ)r/.
(ye can wale at maist ae letter oot o ilk set o brackets: for example, /(s)k(rlw)/ stauns for /k/, /sk/, /kr/, /kl/, /kw/, /skr/, /skl/ or /skw/).
The raeson for includin uizually seelent phonemes in /wr/ an /kn/ will be explained whan we write aboot dialecks: for the nou, be it sayed that it's wi thir phonemes bein soondit in some dialecks.
Sneddin Syllables
A syllable consists o a onset follaed bi a rhyme. The rhyme itsel consists o a nucleus follaed bi a coda.
For tae sned aa the syllables fae a wird, first identify aa the nuclei. Ony phoneme wi the "syllabic" feature can be a nucleus tae a syllable. For the maist pairt, this juist means vowels an diphthongs. We then identify the onset tae the syllable as ony o the consonant clisters gien abuin (aye takkin the langest onset possible). Syne we identify the coda, an taen aathegither, that's oor syllable.
Tak "unstringed" as a example tae wirk wi: /ʌnstrɪŋd/. We can identify /ʌ/, /ɪ/ as the nuclei. It's better tae wirk backroads fae the end o the wird, sae takkin the "i", the langest onset we can mak fae the letters afore it is "str", for that "nstr" isna amang the onsets alloued in the langage. Sae the wird breks doun intae the syllables "un"+"stringed".
Ither examples:
- Lochaiber: Loch + ai + ber
- plaesur: plaes + ur
- nochtify: noch + ti + fy
- Edinburgh: E + din + bu + ry (or Em + bro)
- single: sing + le
- bottles: bott + les