Post-Its
therty year in the job nou. Nae rummlegumption. |
||
Divorce? I never lats on. Still weerin the ring. |
||
Friday micht be Nevermas. Atween, the days gaunts. |
||
gauns, "Aye keep caain awa!" Ay! (my erse will I). |
||
thae three lassies in Accoonts castin up the stour. |
||
cockin, daffin, crawin crouse. Minds me o mysel. |
||
a machine wad better dae (no that I'm sayin). |
||
promotit abuin my fit. Nae ettle, aye miss. |
||
thinkin on Kate that aye smiles. Ay, hen, here's tae you. |
© Sandy Fleemin 2005. First published in Lallans 64 (ISSN 1359-3587).